حكايات زمان العفيفة المظلومة

بسم الله بديت وعلى النبي صليت وبحكاية من حكايات زمان جيت ...
حكايتنا اليوم علي بياع متجول هو واصحابو طبعا زمان مافيش اسواق كيما وقتنا هذا سوقهم هذوك الاصحاب يشروا في بضائع من قرية ويحطوها حاشاكم عالحمير ويمشوا لقرية تانية يبيعوا فيها بضاعتهم وياخدوا ثمنها دراهم ولا يبدلوها ببضاعة تانية تعجبهم ويرجعوا يبيعوها في قرى تانية ولا قريتهم وكانوا هذو الاصحاب من كثر ما ناشطين ومعاملتهم مليحة مع الشراية يعرفوهم معظم القرى ويستنو فيهم بالساعة والدقيقة باش يشروا منهم ويوصوهم علي حاجات يحوسو عليها باش المرة الجاية يجيبوها معاهم. 

ولما يوصلوا لقريتهم يرتاحوا شوية مع اهاليهم ويعطوهم الدراهم اللي ربحوها ويلقوا باش يصرفوا وياكلو ومرة في طلعة من طلعاتهم باعوا بضاعتهم ومروحين لاهاليهم شورهم تلخبطوا في الطريق وحسوا ان الطريق طوالت مش كيما مالفين وحتى الماكلة والشراب خلاصتلهم وقعدوا حايرين !!! كان قعدوا في الصحراء خايفين في الليل يهجموا عليهم ضباع وياكلوا واحد منهم ولا كلهم ولا يكملوا طريقهم بالاك يلقوا قرية قريبة يرتاحوا فيها ويشربوا وياكلوا واحد منهم قالهم اني عطشان وجيعان وحتى جهد ماعنديش ماعاد قادر نمشي قلهم روحو وخلوني وخلاص مارضاوش يخلوه قالولو باهي اقعد هنايا ويطلع واحد ولا اثنين يشوف بالاك كاش قرية قريبة يرجع يقوللنا!! 
اتفقوا علي هذا الكلام وطلع واحد مسافة قريبة يشوف من بعيد في ضي ڼار شاعل دوب مايبان فرح ورجع يجري لصحابو وقلهم الحمد الله اللي خالقنا مانساناش في ضي شاعل قريب اكيد فيه ناس خلي واحد منا يمشيلو ويطلب منهم خبزة واميهة باش نكملوا بيها رحلتنا واحد منهم قلهم اني نمشي وانتم استنوني هنا وتوكل علي ربي ومشا لما قرب من الضي لقى بيت شعر منصوب وضي الڼار اللي شافو من بعيد وقف بعيد شوية وقعد ينادي يااهل البيت !! طلعتلو بنية وقالتلو منو منو اللي ينادي
قلها عابر سبيل ياوخيتي احنا مروحين ورحنا مانلقاش عندك شوية خبزة ليا ولصحابي باش نقدرو نكملو رحلتنا البنت طلعت اخت رجال وبنية حلال واصيلة قالتلو موجود كل خير !! ومشات جابتلو خبزةقلها يخلف عليك وكثر خيرك وطلع يمشي لصحابو والدنيا ليل ماشافش كلب حاشاكم مربوط تحت الشجرة اول ماشافو الكلب نبح عليه علي غفلة وهو انخلع وجري شوية وكان في بير في الارض حفرة برك وقديم مهجور طاح فيه وستر ربي مفيهش الماء...
البنية هادي عندها سبعة خوت ولاد وهيا رأس بنية وخوتها عندهم ارض وارثينها من بوهم يمشولها كل يوم يرفعوا معاهم في راجل يحرثلهم في ارضهم والدنيا زمان كانت امان مرات لما مايكملوش حرثهم يباتو في الارض ووخيتهم تبات بروحها في بيت الشعر .
لما طاح الراجل في البير قعد ينادي على لبنت قلها ان شاء الله ربي يسترك ارواحي طلعيني شوفي حد يطلعني قتلو خوتي كلهم في الحرث ومرات يباتو ميرجعوش قلها باهي لوحيلي حبل باش نقدر نطلع مشات جابتلو حبل وشدت من جهة ولحتلو الجهة التانية ربط الحبل في نصو و شد فيه وبدت تجبد في الحبل باه تخرجو من البير الراجل كان ماشاء الله رزين وهيا سلامتها بنت ماعندها ليه جهد قعدت تشد في الحبل وتجبد فيه لين قريب وصل لفم البير وبعدين غلبها الحبل وطاحت لحقاتو في البير جاك عمك والبلح هههه
اول ماطاحت خاڤت !! قلها ماتخافيش انتي اختي قدام ربي وربي يشهد علي كلامي...
.قاټلو وانت خوي قدام ربي وقعدت هيا في